नेपाली खोज
सोमवार, साउन १८, २०७८
  • होमपेज
  • कोभिडशिल्ड लगाउनेबारे जानकारी दिनुहुँदै स्वास्थ्यकर्मी

कोभिडशिल्ड लगाउनेबारे जानकारी दिनुहुँदै स्वास्थ्यकर्मी

  • Govinda Karki
  • बिहिबार, फाल्गुन २०, २०७७
कोभिडशिल्ड लगाउनेबारे जानकारी दिनुहुँदै स्वास्थ्यकर्मी

बनेपा, २० फागुनः सरकारले थालनी गरेको कोभिड १९ रोग रोकथाम तथा नियन्त्रण अभियान अन्तर्गत काभ्रेपलाञ्चोकको रोशी गाउँपालिका स्वास्थ्य शाखाले आगामि फागुन २३ गतेबाट ३० गतेसम्म वडाको स्वास्थ्य संस्थामा सञ्चालन हुन लागेको खोप अभियानबारे बुधवार जनप्रतिनिधि एवं विद्यालय व्यवस्थापन समिति अध्यक्षहरुलाई जानकारी दिनुहुँदै गाउँपालिका स्वास्थ्य शाखा संयोजक गंगालाल श्रेष्ठ । तस्वीरः पेमा लामा, रासस

भारतमा एक करोड ११ लाख भन्दा बढी कोरोना सङ्क्रमित

भारतमा गत २४ घण्टामा १४ हजार ९८९ जना कोरोना सङ्क्रमित थपिएपछि कोरोना सङ्क्रमितको सङ्ख्या एक करोड ११ लाख ३९ हजार पुगेकोे केन्द्रीय स्वास्थ्य तथा परिवार कल्याण मन्त्रालयले बुधबार जनाएको छ ।

भारतमा गत २४ घण्टामा कोरोना सङ्क्रमणको कारण ९८ जनाको मृत्यु भएपछि भारतमा कोरोना सङ्क्रमणबाट मृत्यु हुनेको सङ्ख्या एक लाख ५७ हजार ३४६ जना पुगेको छ । हाल भारतमा एक लाख ७० हजारभन्दा बढी सक्रिय सङ्क्रमित रहेका छन् भने एक करोड आठ लाख १२ हजारभन्दा बढी कोराना मुक्त भएका छन् ।

भारतमा गत जनवरी १६ देखि कोभिड–१९ विरुद्धको खोप कार्यक्रम शुरु भएको छ । सो दिनदेखि शुक्रबारसम्म एक करोड ५६ लाख भन्दा बढी व्यक्तिले खोप लगाइसकेका छन् । कोरोना भाइरसविरुद्ध खोप लगाउनेमा प्रायःस्वास्थ्यकर्मी र प्रत्यक्ष रुपमा सार्वजनिक क्रियाकलापसँग सम्बन्धित व्यक्तिहरु रहेका छन् ।

यसैबीच, सरकारले देशका विभिन्न भागमा कोभिड–१९ परीक्षणलाई तीव्रता दिने बताएको छ । भारतीय स्वास्थ्य अनुसन्धान परिषद्ले मङ्गलबारसम्म देशभर २१ करोड ८४ लाख ३२ हजारको हाराहारीमा नमूना परीक्षण गरेको छ । मङ्गलबार एकै दिनमा मात्र सात लाख ८५ हजार २२० जना व्यक्तिको कोभिड¬–१९ परीक्षण गरेको जनाइएको छ ।

भारतमा गत सोमबारबाट ६० वर्षभन्दा बढी उमेरका व्यक्तिलाई खोप लगाइने कार्यक्रम शुरु भएको छ । त्यसैगरी दिर्घरोगी छन् भने ४५ वर्ष माथीकालाई पनि कोरोना भाइरसविरुद्धको खोप शुरु गरिएको अधिकारीको भनाइ छ ।

Facebook Comments

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका