नेपाली खोज
सोमवार, बैशाख ६, २०७८
  • होमपेज
  • ‘गिनिज बुक अफ द वल्र्ड रेकर्ड’ मा नाम दर्ता गराउन सफल डा पञ्जियार सम्मानित

‘गिनिज बुक अफ द वल्र्ड रेकर्ड’ मा नाम दर्ता गराउन सफल डा पञ्जियार सम्मानित

  • Govinda Karki
  • शनिबार, फाल्गुन १, २०७७
‘गिनिज बुक अफ द वल्र्ड रेकर्ड’ मा नाम दर्ता गराउन सफल डा पञ्जियार सम्मानित

काठमाडौँ, १ फागुन: सडी समाज काठमाडौँले स्मरण शक्तिका माध्यमबाट ‘गिनिज बुक अफ द वल्र्ड रेकर्ड’ मा नाम दर्ता गराउन सफल हुनुभएका डा नवल पञ्जियारलाई सम्मान गरेको छ । जनकपुर उपमहानगरपालिका–१६ कपिलेश्वरमा जन्मनुभएका डा पञ्जियारले एक मिनेटमा ५४ वटा वस्तुलाई स्मरण गरेर विश्वमा नयाँ कीर्तिमान राख्न सफल हुनुभएको हो ।

श्रम, उद्यममा लिन हुने कर्मठताले एउटा जागरुक, परिश्रमी र लगनशीलताका रुपमा आफूले जन्मेको स्थान, प्रदेश, देश र अन्तरराष्ट्रिय परिवेशमा प्रेरकको भूमिका निर्वाह गरी सुडी समुदाय र समाजलाई गर्नुभएको योगदानको कदर गर्दै सुडी समाज काठमाडौँद्वारा आज यहाँ आयोजित कार्यक्रममा उहाँलाई सम्मान गरेको हो ।

त्यस्तै समाजले मधेश स्वास्थ्य विज्ञान प्रतिष्ठानको रेक्टर जस्तो गरिमामय पदमा नियुक्त हुनुभएका डा अंकुर शाहलाई पनि सम्मान गरेको छ । प्रदेश नं २ को समग्र स्वास्थ्य प्रणाली सुदृढीकरण र नागरिकको स्वास्थ्य अवस्था सुधारमा पु¥याउनुभएको महत्वपूर्ण योगदानको उच्च कदर गर्दै उहाँलाई सम्मानपत्रद्वारा सम्मान गरिएको हो ।

दुवै जनालाई समाजका अध्यक्ष डा अशोक महासेठ, निवर्तमान अध्यक्ष वरिष्ठ अधिवक्ता रामकृष्ण निराला र महासचिव शीतलप्रसाद महतोले संयुक्त रुपमा दोसल्ला ओढाइ सम्मान पत्रद्वारा सम्मान गर्नुभएको हो । कार्यक्रममा सुडी समाज काठमाडौँ, युवा उपसमिति र महिला उपसमितिका सदस्यहरुलाई प्रमाणपत्र पनि वितरण गरिएको थियो ।

सो अवसरमा समाजका सल्लाहकारद्वय वरिष्ठ अधिवक्ता निराला र इञ्जिनीयर सत्यनारायण साहले नेपालमा बसोबास गर्ने सुडी समुदायको हकहित र अधिकारको प्रवद्र्धन तथा उन्नयनका लागि समाज क्रियाशील हुनुपर्ने आवश्यकतामाथि जोड दिँदै सुडी समाजभित्र महिला, युवा, गरीब र विपन्नलाई नेतृत्व तहमा अर्थपूर्र्ण सहभागिता गराउनुपर्ने बताउनुभयो ।

युवा उपसमितिका संयोजक इञ्जिनीयर रामस्वरुप महासेठको सभापतित्वमा सम्पन्न कार्यक्रममा समाजका अध्यक्ष डा महासेठ, महासचिव महतो तथा महिला उपसमितिका संयोजक अनिता निरालालगायतले सुडी समुदायको सशक्तीकरण, हकअधिकार संरक्षण र मौलिक संस्कृतिको प्रवद्र्धनका लागि सशक्त समाजको अवधारणा आगाडि ल्याउन खोजिएको बताउँदै यसमा सम्बन्धित सबै पक्षको सक्रिय सहयोग र समन्वय आवश्यक रहेको बताउनुभयो । (रासस)

Facebook Comments

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका