नेपाली खोज
सोमवार, माघ १२, २०७७
  • होमपेज
  • कुवेतमा नोकरी लगाइदिने भन्दै दिल्ली पुर्याइएका दुई महिलाको उद्धार

कुवेतमा नोकरी लगाइदिने भन्दै दिल्ली पुर्याइएका दुई महिलाको उद्धार

  • Nirmala Karki
  • बुधबार, कार्तिक ५, २०७७
कुवेतमा नोकरी लगाइदिने भन्दै दिल्ली पुर्याइएका दुई महिलाको उद्धार

सुदूरपश्चिम, ५ कात्तिक: भारतको नयाँदिल्लीमा अलपत्र परेका दुई महिलाको माइती नेपालको पहलमा उद्धार गरी धनगढी पुर्याइएको छ ।
कुवेतमा नोकरी लगाइदिने भन्दै दलालले दिल्ली पुर्याएर अलपत्र पारेपछि मकवानपुरकी ५२ वर्षीया महिला र रौतहट माइतीघर भई भारतको बिहार घर भएकी २९ वर्षीया महिलाको उद्धार गरिएको हो । २९ वर्षीया महिलासँग दुई नाबालक छोरीसमेत छन् ।

घरमा सासू, ससुरा, देवर र श्रीमान्को दुव्र्यवहार झेल्दै आउनुभएकी उहाँ दलालको फन्दामा परेर दिल्ली पुग्नुभएको पाइएको माइती नेपाल धनगढी शाखा प्रमुख शिवनारायण चौधरीले बताउनुभयो । उद्धारका लागि पीडित माइती पक्षले दिएको निवेदनपछि उहाँको उद्धार गरिएको जनाइएको छ ।

यस्तै कुवेत जानका लागि दिल्लीमा पासपोर्ट बनाउन आउनु भन्दै दलालले दिल्ली पुर्याएर अलपत्र पारेकी मकवानपुरकी ५२ वर्षीया महिलाको पनि उद्धार गरिएको छ । दिल्लीमा एक नेपाली महिलाको सम्पर्कमा आएपछि उहाँको उद्धारको पहल गरिएको थियो । प्रलोभनमा पारी यी दुई महिलालाई दिल्ली पुर्याउने दलाल भने फरार भएको जनाइएको छ ।

यसअघि गत असोजमा पनि माइती नेपालले दलालको फन्दामा परेर भारत जाँदै गरेकी नवलपरासीकी एक महिलाको पनि कैलालीको त्रिनगर सीमानाकाबाट उद्धार गरेको थियो । “दिल्लीमा रहेको दलालले महिनामा रु ४० हजार पाइन्छ भन्दै उतै बोलाएका रहेछन्”, चौधरीले भन्नुभयो, “उहाँ दिल्ली जाँदै गर्दा त्रिनगरनाकाबाट उद्धार गरेका थियौँ ।” (रासस)

Facebook Comments

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका