नेपाली खोज
आइतवार, जेष्ठ २, २०७८
  • होमपेज
  • तराईमा रु आठ लाख र पहाडमा रु पाँच लाख दिइने

तराईमा रु आठ लाख र पहाडमा रु पाँच लाख दिइने

  • बुधबार, बैशाख १०, २०७७
तराईमा रु आठ लाख र पहाडमा रु पाँच लाख दिइने

बुटवल, १० वैशाख: प्रदेश नं ५ सरकारले प्रदेशअन्तर्गतका जिल्लामा कोरोना भाइरस जोखिम व्यवस्थापनका लागि आवश्यक बजेट दिने निर्णय गरेको छ । प्रदेश सरकार, मन्त्रिपरिषद्को आज बसेको बैठकले प्रदेश विपद् व्यवस्थापन कोषमा रहेको रकमबाट तराईका जिल्लामा रु आठ लाख र पहाडी जिल्लामा रु पाँच लाख दिने निर्णय गरेको हो ।

उक्त रकम विपद् व्यवस्थापन समितिमा उपलब्ध गराइने निर्णय गरिएको मुख्यमन्त्रीका प्रेस सल्लाहकार शेरबहादुर केसीले जारी गरेको प्रेसनोटमा जनाइएको छ । यस्तै बैठकले २०७७ सालमा प्रदेशले दिने ६ दिनको बिदाबारेसमेत निर्णय गरेको छ । प्रदेश सरकारले एक वर्षमा बकरइद, माघ १ र २ गते तथा फागुन ३ गते प्रदेश स्थापना दिवसमा बिदा दिइने निर्णय गरेको छ

। स्थानीय तहको निर्णयबाट हुने एक दिनको बिदा र निश्चित पर्व मनाउने समुदाय र ठाउँमा एक दिन बिदाको निर्णय गरिएको छ । निश्चित पर्व मनाउने समुदाय र ठाउँअन्तर्गत रुकुमरोल्पामा भूमेपूजा, थारु समुदायको बडकवा अतवारी र पाल्पामा भगवतीजात्रामा बिदा दिइने छ ।
बैठकले बालरोग विशेषज्ञ डा किरणमणि पौडेललाई लुम्बिनी प्रादेशिक अस्पतालमा हाजिर गराई कामकाजमा खटाउने निर्णयसमेत गरेको प्रेसनोटमा जनाइएको छ ।(रासस)

Facebook Comments

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका