नेपाली खोज
आइतवार, अशोज ४, २०७७
  • होमपेज
  • वीरगञ्जमा सङ्क्रमणबाट मृत्यु भएका शव व्यवस्थापनमा समस्या देखिएपछि शवदाह गृह निर्माण शुरु

वीरगञ्जमा सङ्क्रमणबाट मृत्यु भएका शव व्यवस्थापनमा समस्या देखिएपछि शवदाह गृह निर्माण शुरु

वीरगञ्जमा सङ्क्रमणबाट मृत्यु भएका शव व्यवस्थापनमा समस्या देखिएपछि  शवदाह गृह निर्माण शुरु

वीरगञ्ज, २७ भदौ: कोभिड–१९ को सङ्क्रमणबाट मृत्यु भएका मानिसको शव व्यवस्थापनमा समस्या देखिएपछि वीरगञ्जका व्यापारी तथा समाजसेवीहरुले आफ्नै खर्चमा शवदाह गृहको निर्माण शुरु गरेका छन् । कोरोना भाइरसबाट मृत्यु भएका मानिसको शव व्यवस्थापन गर्न जाँदा स्थानीयवासीले अवरोध खडा गरेपछि वीरगञ्जका व्यापारी तथा समाजसेवीले पहिलो चरणमा रु १० लाखको लागतमा काठको मचान बनाई त्यसमा शवदाह गर्ने व्यवस्था गर्न लागेको ग्रिनसिटी सामुदायिक सेवा केन्द्रका अध्यक्ष जयप्रकाश खेतानले बताउनुभयो ।

शवदाह गृह निर्माण गर्न वीरगञ्ज महानगरपालिकाले वडा नं १३ स्थित रामजानकी मठ नजीकै सिरसिया नदी किनारमा ४० कट्ठा जग्गा उपलब्ध गराएको छ । शवदाह गृह निर्माणका लागि समाजसेवी राजकुमार दारुकाको संयोजकत्वमा १३ सदस्यीय व्यवस्थापन तथा निर्माण समिति गठन गरिएको छ । यसअघि कोरोनाबाट मृत्यु भएका मानिसको शवलाई खाल्डो खनी जमीनमुनि गाड्ने गर्दा सामाजिक परम्पराविरुद्ध भएकाले शवदाह गृह निर्माण गर्न लागिएको संयोजक दारुकाको भनाइ छ । (रासस)

Facebook Comments

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका